每逢听到许冠杰嘅《财神到》，就知道新年嚟到眼前。呢首歌话说都听左好多年，好有亲切感。如果电视一直播，就可以一直听，听唔厌。行系街，映入眼帘嘅系红红火火，系耳际回响嘅系无尽嘅祝福语。无论点样，年味总会系某个微小嘅时刻令人心头为之一振。

萝卜糕，油角，呢啲过年传统小食也系我钟意嘅。平时可以对么野都平平淡淡，一到过年，就仿佛胃口变左，变成么野都想试，么野都想食。好似一年一次，心思随佢而变。

晚晚听住不绝于耳嘅爆竹声，感觉吃不消嘅同时，又觉得呢的响声都系特别嘅。有一晚，睡意朦胧间，我觉得自己完全畀突然响起嘅爆竹声吓亲，整个人忍唔住抖左一下，以为发噩梦。听到系爆竹声，又不免心谂究竟点解要系三更半夜放。

意思意思都要玩下烟花。睇住一闪一闪嘅烟花，心头顿时一阵暖意。眼前仿佛出现“きらきら”呢个日文词。短暂，瞬间，美丽，消散。短短十几秒，从开始到结束，烟花唔在乎嘅，系我眼中，都变成系值得在乎嘅野。

前几日，有高中同学联系我，话要嚟稳我玩，对我嚟讲系小小惊喜。好似日日如是嘅日子忽然变左样。好几年无见，唔知见到嘅时候会系点样嘅心情。

平时即使讲白话，也好少写白话，同人文字交流都系普通话，忽然想试下，写一篇白话文系点样嘅。我身边好多讲白话嘅人，文字交流都系利落嘅白话，系呢方面，我自愧不如。